.jpg)
.jpg)
.jpg)
നെടുങ്കണ്ടത്ത് പെരുന്തേനീച്ചയുടെ കുത്തേറ്റ് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു
നെടുങ്കണ്ടം ആട്ടുപാറ സ്വദേശി സുബ്രഹ്മണി ആണ് ഇന്ന് രാവിലെ നാലുമണിയോടുകൂടി മരിച്ചത്.ഈ മാസം ഒന്നിനായിരുന്നു സുബ്രമണിക്ക് പെരിന്തേനീച്ചകളുടെ കുത്തേറ്റത്.കൃഷിയിടത്തിൽ നിന്നും വെള്ളം ശേഖരിക്കുന്നതിനായി പോയപ്പോൾ തേനീച്ച ആക്രമിക്കുകയായിരുന്നു.ഗുരുതരമായി കുത്തേറ്റ സുബ്രഹ്മണി ബോധരഹിതനായി നിലത്തുവീണു.ഇദ്ദേഹത്തെ രക്ഷിക്കാൻ എത്തിയ മറ്റ് നാലുപേർക്കും കുത്തേറ്റിരുന്നു.
പ്രാഥമിക ചികിത്സയോടെ ഇവരുടെ നില പൂർവ്വസ്ഥിതിയിലായി.എന്നാൽ ഗുരുതരമായി കുത്തേറ്റ സുബ്രഹ്മണിയെ ആദ്യം നെടുങ്കണ്ടത്തെ സ്വകാര്യ ആശുപത്രിയിലും പിന്നീട് തമിഴ്നാട്ടിലെ വിവിധ ആശുപത്രികളിലും പ്രവേശിപ്പിച്ചു.ഇന്ന് രാവിലെ നാലുമണിയോടെ കൂടി അദ്ദേഹം മരിച്ചു.പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകും.
