.jpg)
തൊവരയാർ ഹരിത സ്വയാശ്രയ സംഘത്തിന്റെയും നവജീവൻ എസ് എച് ജി യുടെയും നേതൃത്വത്തിൽ കാർഷിക സെമിനാർ സംഘടിപ്പിച്ചു
തൊവരയാർ ഹരിത സ്വയാശ്രയ സംഘത്തിന്റെയും നവജീവൻ എസ്. എച്ച്. ജി യുടെയും നേതൃത്വത്തിലാണ് കാർഷിക സെമിനാർ സംഘടിപ്പിച്ചത് . ഇസ്രായേൽ മോഡൽ കൃഷി രീതി നമ്മുടെ നാട്ടിലും ആവിഷ്കരിക്കുക എന്ന ലക്ഷ്യത്തോടെയാണ് സെമിനാർ നടത്തിയത്. തൊവരയാർ ഉണ്ണിമിശിഹാ ദേവാലയ വികാരി ഫാ . ജോസഫ് കോയിക്കൽ പരിപാടി ഉദ്ഘാടനം ചെയ്തു.
കൃഷിയെ സംരക്ഷിച്ചു നല്ലരീതിയിൽ പരിപാലിക്കുന്നതിനാവശ്യമായ മാർഗ്ഗനിർദ്ദേശങ്ങൾ കർഷകർക്കു പറഞ്ഞു നൽകുന്നതിനായി പ്രത്യേകം ക്ലാസുകളും സെമിനാറിന്റെ ഭാഗമായി നടന്നു . യോഗത്തിൽ കട്ടപ്പന അർബൻ ബാങ്ക് ചെയർമാൻ തോമസ് മൈക്കിൾ അധ്യക്ഷത വഹിച്ചു. കട്ടപ്പന നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ലീലാമ്മ ബേബി , ജിമ്മിച്ചൻ ഇളംതുരുത്തിയിൽ, ജോണി വടക്കേക്കര, തുടങ്ങിയവർ പരിപാടികൾക്ക് നേതൃത്വം നൽകി.
.jpeg)
