.jpg)
.jpg)
.jpg)
ഇരട്ടയാർ ശാന്തിഗ്രാം പാലത്തിൻ്റെ അപ്രോച്ച് റോഡിൻ്റെ ഒരുവശം ഇടിഞ്ഞ് താഴുന്നു
ഇരട്ടയാർ ശാന്തിഗ്രാം പാലത്തിന്റെ സംരക്ഷണഭിത്തി കഴിഞ്ഞ മഴ സമയത്താണ് ഇടിഞ്ഞത്. ഇതോടെ ഇതുവഴിയുള്ള ഗതാഗതം നിരോധിച്ചു തുടർന്ന് മാസങ്ങൾക്കുള്ളിൽ ഇവിടെ സംരക്ഷണഭിത്തി പുനർ നിർമ്മിച്ച ശേഷമാണ് ഗതാഗതം പുനസ്ഥാപിച്ചത്. എന്നാൽ സംരക്ഷണഭിത്തി പുനർ നിർമ്മിച്ച ഭാഗത്തെ അപ്പ്രോച്ച് റോഡിന്റെ ഒരു ഭാഗം ചെറിയതോതിൽ ഇടിഞ്ഞു താഴാൻ തുടങ്ങിയിട്ടുണ്ട്. സംരക്ഷണഭിത്തി നിർമ്മിച്ച ഭാഗത്ത് ആവശ്യത്തിന് മണ്ണിട്ട് ബലപ്പെടുത്താത്തതാണ് കാരണമായി ആളുകൾ ചൂണ്ടി കാണിക്കുന്നത്.
നിർമ്മാണ പ്രവർത്തനത്തിൽ ഉണ്ടായ കെടുകാര്യസ്ഥതയാണ് കാരണമെന്നും ചൂണ്ടിക്കാണിക്കുന്നുണ്ട്. കൂടാതെ മഴ ശക്തമാക്കുന്ന സമയത്ത വെള്ളം ഇവിടെ കെട്ടിക്കിടക്കാനുള്ള സാധ്യതയും ഉണ്ട്. ഇങ്ങനെ ഉണ്ടായാൽ സംരക്ഷണഭിത്തിക്ക് ബലക്ഷയം ഉണ്ടാകാൻ സാധ്യതയുണ്ടെന്നും ആളുകൾ പറയുന്നു. വലിയ ലോറികളും ബസുകളും അടക്കം ഇതുവഴി കടന്നു പോകുന്നതാണ്. അടിയന്തരമായി ഈ ഭാഗം ബലവത്താക്കാനുള്ള നടപടി ഉണ്ടാകണമെന്ന് ആവശ്യമാണ് ഉയരുന്നത്.
