.jpeg)
മൂന്നാറില് വീണ്ടും പടയപ്പയുടെ ആക്രമണം
ഇന്നലെ രാത്രി ഏഴരയോടെയായിരുന്നു മൂന്നാറില് പടയപ്പയുടെ ആക്രമണം ഉണ്ടായത്.ഷൂട്ടിംഗ് കഴിഞ്ഞ് മടങ്ങുകയായിരുന്ന വാഹനങ്ങള്ക്കിടയിലേക്ക് പടയപ്പ പാഞ്ഞെത്തുകയായിരുന്നു.ആനയുടെ പരാക്രമത്തില് രണ്ട് കാറുകള്ക്കും ഒരു ബൈക്കിനും കേടുപാടുകള് സംഭവിച്ചു.സൈലന്റുവാലിയില് നടക്കുന്ന സീരിയല് ഷൂട്ടിംഗ് കഴിഞ്ഞ് മടങ്ങുകയായിരുന്ന ഇരുപതിലധികം വാഹനങ്ങള്ക്കിടയിലേക്കാണ് കാട്ടാന പാഞ്ഞെത്തിയത്.
.jpeg)
.jpg)
സൈലന്റുവാലി റോഡില് കുറ്റിയാര്വാലിക്ക് സമീപം വച്ചായിരുന്നു സംഭവം.വാഹനത്തില് ഉണ്ടായിരുന്നവര് ഓടി രക്ഷപ്പെട്ടതിനാല് കൂടുതല് അപകടം ഒഴിവായി.സംഭവത്തെ തുടര്ന്ന് വനംവകുപ്പ് ആര് ആര് റ്റി ഡെപ്യൂട്ടി റെയിഞ്ചറുടെ നേതൃത്വത്തിലുള്ള വനപാലക സംഘം സ്ഥലത്തെത്തി പടയപ്പയെ കാട്ടിലേക്ക് തുരത്തി.സമീപകാലമായി പടയപ്പ അക്രമാസക്തനാകുന്നത് ആളുകളില് ആശങ്ക വര്ധിപ്പിച്ചിട്ടുണ്ട്.
