.jpg)
.jpg)
.jpg)
മൂന്നാര്‍ പോതമേട്ടില്‍ നിന്നും രണ്ട് ആനക്കൊമ്പുകള്‍ കണ്ടെത്തിയ സംഭവത്തില്‍ തുടരന്വേഷണവുമായി വനംവകുപ്പ്
പ്രതികള്‍ക്ക് ആനക്കൊമ്പ് എവിടെ നിന്ന് കിട്ടിയെന്നത് ഉൾപ്പെടെയുള്ള കാര്യങ്ങളിൽ വിശദമായ അന്വേഷണം ആരംഭിച്ചു.മൂന്നാര്‍ പോതമേട് സ്വദേശികളായ രണ്ട് പേരെയാണ് കഴിഞ്ഞ ദിവസം വനംവകുപ്പുദ്യോഗസ്ഥര്‍ ആനകൊമ്പ് കേസില്‍ പിടികൂടിയത്.പ്രതികളില്‍ ഒരാളുടെ പോതമേട്ടിലെ വീട്ടില്‍ നിന്ന് മുറിച്ച രണ്ട് ആനകൊമ്പുകള്‍ കണ്ടെടുത്തു.
സംഭവത്തില്‍ വനംവകുപ്പ് തുടരന്വേഷണം തുടങ്ങി.കേസില്‍ മറ്റാരെങ്കിലുമൊക്കെ ഉള്‍പ്പെട്ടിട്ടുണ്ടോയെന്ന കാര്യവും പരിശോധിക്കുന്നുണ്ട്.പ്രതികള്‍ക്ക് ആനകൊമ്പ് എവിടെ നിന്ന് ലഭിച്ചു എന്നതിലടക്കം വിശദമായ അന്വേഷണം നടത്തുമെന്ന് ദേവികുളം വനം വകുപ്പ് ഉദ്യോഗസ്ഥര്‍ പറഞ്ഞു.
ആനകൊമ്പ് വില്‍പ്പന നടത്താന്‍ ശ്രമം നടക്കുന്നുവെന്ന രഹസ്യവിവരത്തിന്റെ അടിസ്ഥാനത്തില്‍ പള്ളിവാസല്‍ സെക്ഷന്‍ ഫോറസ്റ്റ് ഓഫീസിലെ ഉദ്യോഗസ്ഥര്‍ നടത്തിയ നീക്കമാണ് പ്രതികളെ കുടുക്കിയത്.സംശയാസ്പദമായി കണ്ട പ്രതികളെ കസ്റ്റഡിയില്‍ എടുത്ത് ചോദ്യം ചെയ്തതോടെയായിരുന്നു ആനകൊമ്പുമായി ബന്ധപ്പെട്ട കൂടുതല്‍ വിവരങ്ങള്‍ വനംവകുപ്പിന് ലഭിച്ചത്.
