.jpg)
.jpg)
.jpg)
പീരുമേട് വണ്ടിപ്പെരിയാർ അരണയ്ക്കൽ എസ്റ്റേറ്റിലെ തേയില, ഏലം തോട്ടങ്ങളിലെ താൽക്കാലിക തൊഴിലാളികളെ സ്ഥിരപ്പെടുത്താൻ തീരുമാനം
വണ്ടിപ്പെരിയാർ എ വി ടി അരണയ്ക്കൽ എസ്റ്റേറ്റിലെ തേയില,ഏലം .തോട്ടങ്ങളിലെ താൽക്കാലിക തൊഴിലാളികളെ സ്ഥിരപ്പെടുത്തുന്നതിനാണ് തീരുമാനമായത്. പീരുമേട് ഡെപ്യൂട്ടി ലേബർ ഓഫീസറുടെ മധ്യസ്ഥതയിൽ മാനേജ്മെൻറ്, ട്രേഡ് യൂണിയൻ പ്രതിനിധികളുമായി നടത്തിയ ചർച്ചയിലാണ് തീരുമാനമായത് .
തേയില,ഏലം തോട്ടങ്ങളിൽ ജോലി ചെയ്തു വരുന്ന താൽക്കാലിക തൊഴിലാളികളിൽ അമ്പത് ശതമാനത്തിൽ കൂടുതൽ ഹാജർ ഉള്ളവരെ പ്രായപരിധി പരിഗണിക്കാതെ സ്ഥിരപ്പെടുത്താനാണ് തീരുമാനം. കമ്പനി തയ്യാറാക്കിയിട്ടുള്ള ലിസ്റ്റിൽ അപകടം, മെറ്റേണിറ്റി, നിയമാനുസൃത അവധി പോയിട്ടുള്ള തൊഴിലാളികൾക്കും പരിഗണന ലഭിക്കും . തേയില വിഭാഗത്തിൽ 33 തൊഴിലാളികളും, ഏലം വിഭാഗത്തിൽ 29 തൊഴിലാളികളുമാണ് ലിസ്റ്റിൽ ഉൾപ്പെട്ടിട്ടുള്ളത്. ഒക്ടോബർ 1 മുതൽ സ്ഥിരപ്പെടുത്തലിന് പ്രാബല്യം ലഭിക്കും.
