ഇടുക്കി പൂപ്പാറയിൽ ടോറസിൽ കടത്തിയ കഞ്ചാവുമായി രണ്ടു പേർ പിടിയിൽ
ടോറസ് ലോറിയിൽ കടത്തിയ 10 കിലോ കഞ്ചാവുമായി രണ്ടു പേർ പിടിയിൽ.രാജാക്കാട് ചെറിപുരം രുക്മിണി നിവാസ് വീട്ടിൽ അഭിജിത്ത്(31) രാജാക്കാട് പുല്ലാർക്കാട്ടിൽ വീട്ടിൽ അനീഷ് (49) എന്നിവരാണ് അറസ്റ്റിലായത്. കേസിലെ മൂന്നാം പ്രതിയായ അടിമാലി മാങ്കടവ് സ്വദേശി ഷൈബി എന്നു വിളിക്കുന്ന ഷൈമോൻ തോമസ് സംഭവ സ്ഥലത്തു നിന്നും ഓടി രക്ഷപെട്ടു.
ഷൈബിക്കായുള്ള തിരച്ചിൽ എക്‌സൈസ് സംഘം ഊർജിതമാക്കി.ഒഡീഷയിൽ നിന്നും കടത്തിക്കൊണ്ടുവന്ന കഞ്ചാവാണ് വാഹന പരിശോധനയിൽ കണ്ടെടുത്തത്. അസിസ്റ്റന്റ് എക്‌സൈസ് ഇൻസ്‌പെക്ടർ മാരായ ദിലീപ് എൻ. കെ, അഷ്റഫ് കെ.എം സിവിൽ എക്‌സൈസ് ഓഫീസർമായ സുരേഷ് കെ എം, അബ്ദുൾ ലത്തീഫ്, പ്രശാന്ത് വി, ധനിഷ് പുഷ്പചന്ദ്രൻ, യദുവംശരാജ്, മുഹമ്മദ് ഷാൻ, സുബിൻ വർഗീസ്, സിവിൽ എക്‌സൈസ് ഓഫീസർ ഡ്രൈവർ നിതിൻ ജോണി എന്നിരവടങ്ങുന്ന സംഘമാണ് പ്രതികളെ പിടികൂടിയത്.
.jpeg)
