കട്ടപ്പന വിദ്യാഭ്യാസ ഉപജില്ല കേരള സ്കൂൾ കലോത്സവം 2024 നവംബർ 8, 13, 14,15 തീയതികളിൽ മേരികുളം സെന്റ് മേരീസ് എച്ച്എസ്എസിൽ വച്ച് നടക്കും
കട്ടപ്പന വിദ്യാഭ്യാസ ഉപജില്ലാ സ്കൂൾ കലോത്സവം നവംബർ 8 മുതൽ മേരികുളം സെൻ്റ് മേരീസ് ഹയർ സെക്കൻഡറി സ്‌കൂളിലാണ് നടക്കുന്നത്. രാവിലെ 9.15 മുതൽ രചനാമത്സരങ്ങൾ ആരംഭിക്കും. 11ന് രാവിലേ 10 മുതൽ മാട്ടുക്കട്ടയിൽ നിന്ന് മാരത്തൻ വിളംബരഓട്ടം നടക്കും. 12ന് രാവിലെ 10 ന് മരിയൻ സ്‌കൂളിൽ നിന്ന് സാംസ്കാരിക ഘോഷയാത്ര, 11.30ന് ജില്ലാ പഞ്ചായത്ത് പ്രസിഡന്റ് കെ ടി ബിനു കലോത്സവം ഉദ്ഘാടനം ചെയ്യും.
അയ്യപ്പൻകോവിൽ പഞ്ചായത്ത് പ്രസിഡൻ്റ് ജയ്മോൾ ജോൺസൺ അധ്യക്ഷയാകും. 13, 14, 15 തീയതികളിൽ കലാമത്സരങ്ങൾ നടക്കും. 15ന് വൈകിട്ട് നാലിന് സമാപന സമ്മേളനം വാഴൂർ സോമൻ എംഎൽഎ ഉദ്ഘാടനം ചെയ്യും. മത്സരങ്ങളിൽ പങ്കെടുക്കുന്ന കുട്ടികൾക്ക് കലോത്സവത്തിൻ്റെ ഒരുക്കങ്ങളെല്ലാം പൂർത്തിയായതായി ഭാരവാഹികൾ പറഞ്ഞു. വാർത്താസമ്മേളനത്തിൽ മാർട്ടിൻ ജോസഫ്, ജോയ്‌സ് ജോസഫ്, സുബിത എ ജോർജ്, എഇഒ കെ കെ യശോധരൻ, മനോജ് കുമാർ എന്നിവർ പങ്കെടുത്തു.
.jpeg)
