സ്വരാജ് പബ്ലിക് ലൈബ്രറിയുടെ നേതൃത്വത്തിൽ ‘വിമുക്തി 2026’ സംഘടിപ്പിച്ചു
സ്വരാജ്: സ്വരാജ് പബ്ലിക് ലൈബ്രറിയുടെ നേതൃത്വത്തിൽ “നല്ലെ നാളെ ലഹരിയില്ലാതെ” എന്ന ബോധവൽക്കരണ പരിപാടിയുടെ ഭാഗമായി ‘വിമുക്തി 2026’ സംഘടിപ്പിച്ചു.ലൈബ്രറി പ്രസിഡന്റ് ബേബിച്ചൻ കിഴക്കേമുറി അധ്യക്ഷത വഹിച്ച യോഗം കാഞ്ചിയാർ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ജയ്മോൻ കോഴിമല ഉദ്ഘാടനം ചെയ്തു.ലഹരിവിരുദ്ധ ബോധവൽക്കരണ രംഗത്ത് ശ്രദ്ധേയനായ മുൻ എക്സൈസ് ഓഫീസർ അബ്ദുൾ ജബ്ബാർ മുഖ്യപ്രഭാഷണം നടത്തുകയും ലഹരിയുടെ ദൂഷ്യഫലങ്ങളെക്കുറിച്ചും യുവതലമുറയുടെ ഉത്തരവാദിത്തങ്ങളെക്കുറിച്ചും ബോധവൽക്കരണ ക്ലാസ് നയിക്കുകയും ചെയ്തു.
ഗ്രാമപഞ്ചായത്ത് അംഗം ഷീബ റെൻസോ, സണ്ണി മമ്പറ എന്നിവർ ആശംസകൾ അർപ്പിച്ചു. റെജി കൂനാനി, മനോജ് മൂഴിപ്പുറം, സജികുമാർ, സുഗതകുമാർ എന്നിവർ പരിപാടികൾക്ക് നേതൃത്വം നൽകി.യുവജനങ്ങളിലും പൊതുസമൂഹത്തിലും ലഹരിവിരുദ്ധ സന്ദേശം ശക്തമായി എത്തിക്കുന്നതിന് പരിപാടി സഹായകമായതായി സംഘാടകർ അറിയിച്ചു.
.jpeg)
