സുഹൃത്തിന്റെ വീട്ടിൽ മാമോദീസക്ക് വന്ന് ഡയമണ്ട് നെക് ലേസ് ഉൾപ്പെടെ സ്വർണാഭരണങ്ങൾ കവർന്ന ഇടുക്കി വെള്ളത്തൂവൽ സ്വദേശിനി അറസ്റ്റിൽ
സുഹൃത്തിന്റെ വീട്ടിൽ മാമോദീസക്ക് വന്ന് ഡയമണ്ട് നെക് ലേസ് ഉൾപ്പെടെ സ്വർണാഭരണങ്ങൾ കവർന്ന ഇടുക്കി വെള്ളത്തൂവൽ സ്വദേശിനി അറസ്റ്റിൽ . വെള്ളത്തൂവൽ എരിപ്പേക്കാട്ടിൽ റംസിയ ആണ് പിടിയിലായത് . മെയ് 6 - ന് കോടനാടാണ് സംഭവം. ധരിച്ചതും സമ്മാനം കിട്ടിയതുമായ ആഭരണങ്ങൾ ചടങ്ങ് കഴിഞ്ഞ് മുറിയിലെ അലമാരയിലാണ് വച്ചത്. ഇവിടെ നിന്ന് കവർന്ന ആഭരണങ്ങൾ നേര്യമംഗലം,പെരുമ്പാവൂർ എന്നിവിടങ്ങളിലെ ജ്വല്ലറി, ഫിനാൻസ് സ്ഥാപനം എന്നിവിടങ്ങളിൽ നിന്ന് കണ്ടെടുത്തു. 4 ലക്ഷത്തിലേറെ രൂപയുടെ ആഭരണങ്ങളാണ് മോഷ്ടിച്ചത്. ഇൻസ്പെക്ടർ ബേസിൽ തോമസ്, എസ് ഐ -പി ജെ കുര്യാക്കോസ് തുടങ്ങിയവരുടെ നേതൃത്വത്തിലുള്ള അന്വേഷണസംഘമാണ് പ്രതിയെ അറസ്റ്റ് ചെയ്തത്.
.jpeg)
