.jpg)
.jpg)
.jpg)
സീറ്റ് വിഭജനത്തിൽ അതൃപ്തി;വണ്ടൻമേട് ബി ജെ പി മണ്ഡലം കമ്മറ്റിയിൽ പൊട്ടിത്തെറി,രാജി ഭീഷണയുമായി മണ്ഡലം പ്രസിഡൻ്റും നേതാക്കളും
കരുണാപുരം ഗ്രാമ പഞ്ചായത്തിലെ എൻഡിഎ യിലെ സീറ്റ് വിഭജനമാണ് ബി ജെ പിയിൽ അതൃപ്തി സൃഷ്ടിച്ചത്. കരുണാപുരം പഞ്ചായത്ത് ഏഴാം വാർഡ് ഇത്തവണ ബിഡിജെഎസിന് നൽകാനാണ് ബി ജെ പി നേതൃത്വം തീരുമാനിച്ചത്. എന്നാൽ ബി ജെ പി മണ്ഡലം കമ്മറ്റി ഈ തീരുമാനത്തിനെതിരെ രംഗത്തെത്തി. ബിജെപിക്ക് ജയസാധ്യതയുള്ള വാർഡ് ബി ഡി ജെ എസിന് നൽകിയത് അംഗീകരിക്കാൻ കഴിയില്ലെന്നാണ് ഇവരുടെ നിലപാട്. നേതൃത്വത്തിൻ്റെ തീരുമാനത്തിനെതിരെ ബി ജെ പി വണ്ടൻമേട് മണ്ഡലം പ്രസിഡൻ്റ് പി യു ജയകൃഷ്ണൻ ഉൾപ്പെടെയുള്ളവർ രംഗത്തെത്തി.
ഇവർ പാർട്ടി വിടുമെന്ന മുന്നറിയിപ്പും നൽകിയിട്ടുണ്ട്. മണ്ഡലം പ്രസിഡൻ്റ്, ന്യൂനപക്ഷ മോർച്ച പ്രസിഡൻ്റ് ഉൾപ്പെടെ 12 ഭാരവാഹികളാണ് രാജി ഭീഷണി മുഴക്കിയിരിക്കുന്നത്.
മണ്ഡലം പ്രസിഡൻ്റ് ജയകൃഷ്ണൻ താമസിക്കുന്ന വാർഡാണ് കരുണാപുരം ഏഴാം വാർഡ്. ഈ വാർഡ് ഒരു കാരണവശാലും ബിഡിജെഎസിന് നൽകാൻ കഴിയില്ലെന്നാണ് ഇവരുടെ നിലപാട്. നേതൃത്വം നിലപാട് തിരുത്തിയില്ലെങ്കിൽ പാർട്ടിയിൽ നിന്ന് രാജവക്കുമെന്ന നിലപാടിലാണ് മണ്ഡലം പ്രസിഡൻ്റ് ഉൾപ്പെടെയുള്ളവർ
